काठमाडौं । नेपाली बजारमा मंगलबार सुनको मूल्य घटेको छ। नेपाल सुनचाँदी व्यवसायी महासंघका अनुसार मंगलबार सुनको मूल्य तोलामा २०० रुपैयाँले घटेको हो। यस दिन छापावाल सुन प्रतितोला ९३ हजार ८०० रुपैयाँ र तेजाबी सुन ९३ हजार ३०० रुपैयाँमा कारोबार भइरहेको महासंघले जनाएको छ ।

हिजो (सोमबार) सुनको मूल्य तोलामा ४०० रुपैयाँले बढेर छापावाल सुन प्रतितोला ९४ हजार रुपैयाँ र तेजाबी सुन ९३ हजार ५०० रुपैयाँमा किनबेच भएको थियो । मंगलबार चाँदीको मूल्य पनि तोलामा १० रुपैयाँले घटेर १ हजार १६० रुपैयाँ कायम भएको छ। सोमबार चाँदी तोलामा ५ रुपैयाँले बढेर १ हजार १६५ रुपैयाँमा किनबेच भएको थियो।