काठमाण्डौं । नेपाल उद्योग परिसंघको महानिर्देशकमा दीपकराज जोशी नियुक्त हुनुभएको छ। परिसंघ पदाधिकारी समितिको २७ औँ बैठकको निर्णयअनुसार जोशीलाई महानिर्देशक नियुक्त गरिएको हो।

महानिर्देशक जोशीले नेपाल पर्यटन बोर्डको पूर्व प्रमुख कार्यकारी अधिकृतका रुपमा पनि काम गर्नुभयो । उहाँ विगत २२ वर्षदेखि विभिन्न जिम्मेवारी निभाउदै आउनुभएको छ ।

यति मात्र होइन, उहाँ प्यासिफिक एसिया ट्राभल एसोसिएसनमा डेस्टिनेसन कमिटीको अध्यक्ष हुनुभयो । अन्तर्राष्ट्रिय रूपमा  ‘च्यान्पियन्स इन च्यालेन्ज’ र ’पर्यटन हिरो’ जस्ता सम्मानबाट सम्मानित हुनुभयो । 

उहाँले वाणिज्यशास्त्रमा स्नातकोत्तर गर्नुभएको हो । जोशी पर्यटन तथा अन्य आर्थिक क्षेत्रसँग सम्बन्धित अध्ययन अनुसन्धानमा पनि संलग्न हुनुहुन्छ।