केशव आचार्य । 
काठमाण्डौ । केही वर्ष यता नेपालमा वस्तु तथा सेवाको आयात बढेको छ । नेपालमा नयाँ प्रविधि र उत्पादनमा आएको कमिको कारण दिनानुदिन आयात बढेको हो । आयात बढ्दा नेपाली मुद्राको ठूलो अंश त बाहिरिएको छ तर देशको राजस्वको आधा भाग आयातबाटै सृजना भएको छ । 

नेपालमा महिनैपिच्छे बढिरहेको आयातले देशको ढुकुटी बाहिरिरहे पनि यसैबाट संकलित राजस्वबाट मुलुक धानिनु परेको छ । मुलुकको अर्थतन्त्र राजस्वमा निर्भर भईरहेको छ जुन अर्थतन्त्रका लागि सन्तोषजनक कुरा होईन । यसले नै वार्षिक बजेटलाई दिशानिर्देश गरिरहेको हुन्छ । अर्थतन्त्र स्थिर र दीगो हुनका लागि निरन्तर र दीगो स्रोतको जरुरी हुन्छ । 

 विभागले सार्वजनिक गरेको चालु आर्थिक वर्षको फागुन महिनासम्मको तथ्यांकअनुसार ४८.६३ प्रतिशत राजस्व आयातबाट संकलन भएको छ । सरकारले चालु आर्थिक वर्ष २०७८/०७९ को ८ महिनामा ६ खर्ब ८४ अर्ब रुपैयाँ राजस्व संकलन गरेको थियो ।

सार्वजनिक खर्चभन्दा राजस्व कमी भएमा सरकारले घाटा बजेट अवलम्बन गर्ने गर्दछ । घाट बजेट उत्पादन क्षेत्रका लागि उपयोगी औजार हो । यो खर्चको तुलनामा आम्दानी कम हुनगई अनिवार्य उत्पादन गर्न ल्याउने गरिन्छ । 

विशेषतः नेपालको अर्थतन्त्र वि.स. २०७२ सालदेखि नै ओरालो लाग्दै गइरहेको छ । भूकम्प प्रभाव समाप्त भएसँगै कोरोना महामारीले मुलुकको अर्थतन्त्रलाई थप कमजोर बनाउँदै लग्यो । सधैं समस्याको रुपमा मात्र देखिएको वस्तु तथा सेवाको आयात देशको राजस्वका लागि वरदान नै बनिरहेको छ ।

 राष्ट्रको कुल राजस्वको झण्डै आधा वस्तु आयातमार्फत संकलन भएको भन्सार विभागले जनाएको छ । विभागले सार्वजनिक गरेको चालु आर्थिक वर्षको फागुन महिनासम्मको तथ्यांकअनुसार ४८.६३ प्रतिशत राजस्व आयातबाट संकलन भएको छ । सरकारले चालु आर्थिक वर्ष २०७८/०७९ को ८ महिनामा ६ खर्ब ८४ अर्ब रुपैयाँ राजस्व संकलन गरेको थियो ।

कूल राजस्वमध्ये ३ खर्ब ३३ अर्ब राजस्व आयातबाट संकलन भएको छ । विभागको तथ्यांक अनुसार ८ महिनामा पेट्रोल, मटीतेल, डिजेल र एलपी ग्याँसको आयातबाट मात्रै ७१ अर्ब रुपैयाँभन्दा बढी राजस्व संकलन भएको छ । तर, पेट्रोलियम पदार्थको मूल्य बढेर आउँदा त्यसले विदेशी मुद्रा सञ्चितिमा थप चाप परेको देखिन्छ ।

 इन्धन आयात गर्दा सरकारले फागुनसम्ममा १ खर्ब ६९ अर्ब रुपैयाँ खर्च गरेको छ । केही दिन अगाडि भारतले १६ रुपैयाँभन्दा बढीले कच्चा तेलको मूल्य वृद्धि गरेको छ । त्यसले अझै विदेशी मुद्रा सञ्चितीमा चाप पर्ने देखिएको छ ।

नेपालमा उठ्ने अधिकांश राजस्व भन्सार विन्दुबाट उठ्ने गरेको भन्सार विभागको तथ्यांकले देखाउँछ । यसरी वस्तु आयातको नियामक निकाय भन्सार विभाग भएकोले राजस्वको संकलन बढि देखिनु स्वभाविक रहेको अर्थविज्ञहरुले बताइरहनु भएको छ । अहिले देशको राजस्व आयातले धानिरहेको छ ।

कूल राजस्वमध्ये ३ खर्ब ३३ अर्ब राजस्व आयातबाट संकलन भएको छ । विभागको तथ्यांक अनुसार ८ महिनामा पेट्रोल, मटीतेल, डिजेल र एलपी ग्याँसको आयातबाट मात्रै ७१ अर्ब रुपैयाँभन्दा बढी राजस्व संकलन भएको छ ।

आयात बढ्दा भन्सार नाकामा लाग्ने मूल्य अभिवृद्धि कर (भ्याट) राजस्वको प्रमुख स्रोत हो । वस्तुको आयात र भ्याटबाट नै अहिले नेपालको अर्थतन्त्र थेगिरहेको छ । 

 विश्वका अधिकांश विकासशील मुलुकहरु अप्रत्यक्ष करबाटै धानिएका हुन्छन् । तसर्थ नेपालको राजस्वको अन्य आधारमध्ये मूल्य अभिवृद्धि कर (भ्याट) एक हो । अहिले नेपालले भन्सारमा भ्याट लिइरहेको छ भने आन्तरिक बजारबाट पनि राजस्व संकलन गरिरहेको छ । त्यसैले आयात र भ्याटबाट मुलुकको राजस्व धानिएको छ ।

आयात बढ्दा विदेशी मुद्रा सञ्चितिमा परेको चापलाई मध्यनजर गर्दै नेपाल राष्ट्र बैंकले आयातमा कडाई गरेको छ । आयातमा कडाइ गरे पनि फागुन महिनामा आयात बढेको तथ्यांकले देखाउँछ । मुलुकको समग्र अर्थतन्त्र नै बिग्रिएको अवस्थामा राजस्व घटे पनि आयातमा कडाइ गर्नुको विकल्प नरहेको विज्ञहरुको भनाई छ । 

अर्थतन्त्र नै बिग्रिन थालेको समयमा राजस्व केही कम उठे पनि फरक पर्दैन । तर सरकार यसको सामना गर्न तत्पर रहनु पर्दछ । अर्थतन्त्र राम्रोे भयो भने आन्तरिक ऋण लिएर पनि खर्च गर्न सकिन्छ । तर, अर्थतन्त्र नै बिग्रियो भने कुनै विकल्प रहँदैन यसका लागि सरकार सतर्क रहन जरुरी हुन्छ ।

चीनसँगको प्रमुख व्यापारिक भन्सार नाका तातोपानीबाट चालू आर्थिक वर्षको सात महिनामा लक्ष्यभन्दा बढी राजस्व संकलन भएको छ । साउनदेखि माघ मसान्तसम्ममा २ अर्ब ४ करोड रुपैयाँ राजस्व संकलन भएको तातोपानी भन्सार कार्यालयले जनाएको छ । कूल ८२ करोड ६४ लाख लक्ष्य रहेकोमा यो लक्ष्यको २४७.१७ प्रतिशत हो ।

आर्थिक वर्ष २०७८/०७९ असार मसान्तसम्ममा १ अर्ब ६४ करोड लक्ष्य लिइएकोमा २ अर्ब ४ करोड राजस्व उठेको थियो । राजस्व उठे पनि आयात भने सहज नभएको भन्सार कार्यालयले बताएको छ । गएको सोमबार दुईवटा मात्रै कन्टेनर भित्रिएको थियो । कुनै दिन त एउटा पनि कन्टेनर नभित्रिने कार्यालयले जनाएको छ । भूकम्पअघि यस नाकाबाट दैनिक डेढ करोडसम्म राजस्व असुली हुँदै आएको थियो ।

निर्यातको तुलनामा आयात लगभग साँढे ९ गुणाले बढि छ । विदेशी विनिमय सञ्चितीले आयात धान्न मुश्किल परिरहेको अवस्था छ । मुलुकको वार्षिक निर्यातले १ वर्षका लागि पेट्रोल, डिजेल, मट्टितेल, ग्याँस र हवाई ईन्धन खरिद गर्न पनि नपुग्ने अवस्था छ ।

भू–परिवेष्ठित त्यसमा पनि आयातमा निर्भर यो देशको अर्थतन्त्रको लागि दुर्दशा हो । यसको समाधान अल्पकालमा कठिन छ तर नीति, प्रणाली र सरकारको तदर्थ निर्णयले विस्तारै यसमा सुधार आउने देखिन्छ । ६० प्रतिशतभन्दा बढी कृषिमा निर्भर रहेको मुलुकमा कृषिलाई नै उपेक्षा गरिनु नै वास्तवमा आयातलाई प्रश्रय दिनु हो ।