काठमाडौं
रुस–युक्रेन युद्ध चर्किएसँगै सुनको मूल्यमा उछाल आएको छ। शुक्रबार सुनको मूल्य बढेर १ लाख नजिक पुगेको छ । शुक्रबार सुनको मूल्य तोलामा ९ सय रुपियाँले बढेको हो ।  नेपाल सुनचाँदी व्यवसायी महासंघका अनुसा  शुक्रबार छापावाल सुन प्रतितोला ९९ हजार ९०० रुपैयाँमा कारोबार भएको छ ।

त्यस्तै शुक्रबार  तेजाबी सुन प्रतितोला ९९ हजार ४०० रुपैयाँमा कारोबार भएको छ । बिहीबार सुन तोलामा ५०० रुपैयाँले घटेर छापावाल सुन प्रतितोला ९९ हजार रुपैयाँ र तेजाबी सुन प्रतितोला ९८ हजार ५०० रुपैयाँमा कारोबार भएको थियो।

शुक्रबार चाँदीको मूल्य स्थिर रहँदै तोलाको १ हजार ३८० रुपैयाँमा कारोबार भएको छ। बिहीबार चाँदी तोलामा ५ रुपैयाँ बढेर १ हजार ३८० रुपैयाँमा किनबेच भएको थियो।