काठमाण्डौं

सुनको मूल्य घटेको छ । बिहीबार सुनको मूल्य तोलामा पाँच सय रुपैयाँले घटेको हो । 

नेपाल सुनचाँदी व्यवसायी महासंघका अनुसार छापावाला सुनको मूल्य तोलामा पाँच सय रुपैयाँले घटेर ९९ हजार रुपैयाँमा कारोबार भइरहेको छ । बुधबार छापावाला सुनको मूल्य तोलाको ९९ हजार पाँच सय रुपैयाँ थियो ।

तेजाबी सुनको मूल्य पनि तोलामा पाँच सय रुपैयाँले घटेर ९८ हजार पाँच सय रुपैयाँमा कारोबार भइरहेको छ । बुधबार तेजाबी सुनको मूल्य तोलाको ९९ हजार थियो । 

यस्तै चाँदीको मूल्य भने बढेको छ । चाँदी तोलामा पाँच रुपैयाँले बढेर १३ सय ८० रुपैयाँमा कारोबार भइरहेको छ । बुधबार चाँदीको मूल्य तोलाको १३ सय ७५ रुपैयाँ थियो ।