काठमाडौं
चालू आर्थिक वर्षको दोस्रो त्रैमाससम्म मध्यभोटेकोशी जलविद्युत् कम्पनी लिमिटेडले ७७ लाभन्दा बढी खुद घाटा व्यहोरनु परेको  छ । हाल १०२ मेगावाट क्षमताको मध्यभोटेकोशी जलविद्युत् आयोजना निर्माण भइरहेको अवस्थामा कम्पनी  २ करोड ७६ लाखभन्दा बढी सञ्चालन घाटामा रहेको छ ।

यो वर्ष कम्पनीको सञ्चालन घाटा बढेको छ भने खुद नोक्सानी रकममा कमी आएको छ । सञ्चालन घाटा बढेपनि कम्पनीको वित्तीय आम्दानी यस वर्ष ३५० दशमलव ५२ प्रतिशत बढी भएकाले खुद नोक्सानी रकम ६२ दशमलव १९ प्रतिशत कम भएको हो ।  
गत वर्ष  ४४ लाखभन्दा बढी वित्तीय आम्दानी गरेको कम्पनीले यस वर्ष रू १ करोड ९९ लाखभन्दा बढी यो आम्दानी गरेको हो ।

यसैगरी, यस वर्ष सर्वसाधारणमा आईपीओ जारी गरेको कम्पनीको चुक्तापूँजी ६ अर्ब पुगेको छ । दोस्रो त्रैमाससम्म कम्पनीको बचत कोष रकम  २८ करोड ५ लाखभन्दा बढी ऋणात्मक रहेको छ । कम्पनीको दीर्घकालिन कर्जा तथा दायित्व रकम गत वर्षभन्दा २४ दशमलव ७४ प्रतिशत वृद्धि भई  ६ अर्ब ५५ करोड ६६ लाख पुगेको छ । कम्पनीको प्रतिशेयर नेटवर्थ ९५ दशमलव ३२  रहेको छ ।