काठमाडौं
बुटवल पावर कम्पनी लिमिटेडले चालू आर्थिक वर्षको दोस्रो त्रैमाससम्म १८ करोड १४ लाखभन्दा बढी खुद नाफा कमाएको छ । गत वर्षभन्दा यो वर्ष कम्पनीको खुद नाफा १३ दशमलव १२ प्रतिशत बढी भएको हो । गत वर्ष यस अवधिसम्म कम्पनीले १३ करोड ८३ लाखभन्दा बढी यो नाफा कमाएको थियो ।

यो वर्ष सञ्चालनबाट आम्दानी रकम गत वर्षभन्दा १८ दशमलव ३६ प्रतिशत बढेको छ । गत वर्ष १६ करोड ३५ लाखभन्दा बढी सञ्चालन आम्दानी कमाएको कम्पनीले यो वर्ष १९ करोड ३६ लाखभन्दा बढी यो आम्दानी गरेको हो । विद्युत विक्रीबाट यो वर्ष कम्पनीले ८ दशमलव ४० प्रतिशत बढी ४२ करोड ३१ लाख आम्दानी गरेको छ ।

१० प्रतिशत बोनस शेयर मार्फत चुक्तापूँजी बढाएर ३ अर्ब २४ करोड ६३ लाख २७ हजार पुगेको कम्पनीको जगेडा कोष रकम भने ७ दशमलव ०८ प्रतिशत कम ३ अर्ब ६४ करोड ९७ लाख कायम रहेको छ । दोस्रो त्रैमाससम्म कम्पनीको प्रतिशेयर आम्दानी  ५ दशमलव ५९ र प्रतिशेयर नेटवर्थ २१२ दशमलव ४३ रहेको छ ।