काठमाण्डौं

पछिल्लो २४ घण्टामा ११६७ जनामा कोरोना भाइरस (कोभिड–१९) को संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार देशभरमा १२ हजार ६ सय ३२ नमुना परीक्षण गर्दा उनीहरुमा संक्रमण पुष्टि भएको हो ।

संक्रमितमध्ये ६ सय १५ जना काठमाडौं उपत्यकाका छन् । काठमाडौंमा ४ सय ९१, ललितपुरमा ९९ र भक्तपुरमा २५ जना छन् । पीसीआर टेष्टमा औषतमा संक्रमणदर ९.५ प्रतिशत पुगेको मन्त्रालयकी प्रवक्ता संगीता मिश्राले बताउनुभयो ।