९ मंसिर, २०८१ आइतबार
04:05:53 PM
९ बैशाख, २०७९
पछिल्लो २४ घण्टामा कोरोनाबाट २५ जना निको भएका छन् भने मृत्यु हुनेको संख्या शुन्य रहेको छ ।
काठमाण्डौं । पछिल्लो २४ घण्टामा थप १८ जनामा कोरोना भाइरस संक्रमण पुष्टि भएको छ भने २५ जना संक्रमण मुक्त भएका छन् ।
स्वास्थ्य तथा जनसंख्या मन्त्रालयका अनुसार २ हजार १३३ जनाको पीसीआर परीक्षणमा ९ जना र १ हजार ५१८ जनाको एन्टीजेन परीक्षणमा ९ जना गरी १८ जनामा संक्रमण पुष्टि भएको हो ।
पछिल्लो २४ घण्टामा कोरोनाबाट २५ जना निको भएका छन् भने मृत्यु हुनेको संख्या शुन्य रहेको छ । हाल देशभर २८२ जना सक्रिय संक्रमित रहेका छन् । जसमध्ये २७९ जना होम आइसोलेसनमा रहेका छन् भने ३ जना संस्थागत आइसोलेसनमा रहेका छन् ।
शुक्रबार थपिएसँगै नेपालमा कोरोना संक्रमितको कुल संख्या ११ लाख १८ हजार ८९३ पुगेको छ । योसँगै नेपाल मृत्यु हुनेको संख्या ११ हजार ९५१ पुगेको छ भने ९ लाख ६६ हजार ४८१ जना संक्रमणमुक्त भएका छन् ।
