काठमाण्डौ । व्यवस्थापन विषयको एक अब्बल कलेजका रुपमा स्थापित यूनिग्लोव कलेजको एम.वि.ए. पुरा गरेका विद्यार्थीहरुको ग्राजुएसन कार्यक्रम सम्पन्न भएको छ । 

सोमबार एक कार्यक्रमकाबीच काठमाण्डौमा कलेजले आफ्ना १ सय ६४ विद्यार्थीहरुको ग्राजुएसन कार्यक्रम सम्पन्न गरेको हो । यूनिग्लोव कलेजमा एम.वि.ए. फाइनान्स १८ औं र १९ औं र एम.वि.ए. को ५ औं र ६ औं व्यजका विद्यार्थीहरुको ग्राजुएसन सम्पन्न गरेको कलेजले जनाएको छ । 

पोखरा विश्वविद्यालयको सम्वन्धन प्राप्त यूनिग्लोव कलेजमा कक्षा ११ देखी मास्टर्स डिग्री सम्मको पठन पाठन हुँदै आएको छ । 

कार्यक्रममा राष्ट्रिय वाणिज्य बैंकका सिईयो किरण कुमार श्रेष्ठले शिक्षा जीवनसंग जोडिनुपर्ने बताउनुभयो । उहाँले कलेजस्तरको शिक्षा हासिल गरिसकेपछि विद्यार्थीमा काम गर्न सक्ने क्षमताका विकास हुनुपर्ने भन्दै उहाँले व्यवस्थापन विषयको सम्भावना अझै बढेर गएको बताउनुभयो । 

देश तथा विदेशमा व्यवस्थापनमा दख्खल भएको जनशक्तिको अभाव अहिलेपनि रहेको भन्दै सिईयो श्रेष्ठले विद्यार्थीहरुलाई पढाई र गराईमा अब्बल हुनसके अवसरको कुनै कमी नरहने बताउनुभयो । 
अवसरका लागि ज्ञान संगसंगै सिप चाहिन्छ सिईयो श्रेष्ठले भन्नुभयो, अवको समय तपाईहरुको हो । 

सिइयो श्रेष्ठले विद्यार्थीहरुलाई सिप, क्षमता र दक्षतायुक्त बनाउन यूनिग्लोव कलेजले गरेको काम प्रशंसनिय रहेको समेत बताउनुभयो । 

कार्यक्रममा बोल्नुहुँदै कलेजका प्रिन्सिपल डा. नर बहादुर विष्टले व्यवस्थापन विषयमा देशकै एक अग्रणी संस्थाका रुपमा स्थापित हुँदै अगाडि बडेको यूनिग्लोव कलेजलाई आगामी दिनमा थप व्यवस्थित र गुणात्मक सुधार गर्दै जाने बताउनुभयो । 

उहाँले शिक्षालाई व्यवहारमा आधारीत बनाउन आफुहरुले सक्दो प्रयास गरेको बताउनुभयो । शिक्षा सिपसंग जोडिनु पर्नेमा जोड दिँदै उहाँले यूनिग्लोवले जीवन उपयोगी शिक्षा पद्धतीलाई जोड दिएको बताउनुभयो ।

कार्यक्रममा कलेजका व्यवस्थापक,  शिक्षक, विद्यार्थी, अभिभावक लगाएतको उपस्थिती रहेको थियो ।