सिड्नी । रूपन्देहि सामाजिक संजाल  अष्ट्रेलिया ले नयाँ वर्ष २०७९ को अवसरमा विभिन्न रचनात्मक कार्यक्रमको आयोजना गर्ने जनाएको छ । 

सञ्जालका अध्यक्ष मुक्तिराम पोख्रेलले रुपन्देहीमा जन्मिएर अष्ट्रेलिया कर्मथलो बनाएकाहरुको साझा प्रयासबाट नयाँ वर्षमा विशेष कार्यक्रमको आयोजना गरिएको जानकारी दिनुभयो । उहाँले नयाँ वर्षका अवशरमा  शुभकामना आदानप्रदान, २०७९ को क्यालेण्डर विमोचन, किड्स फण्ड प्रोगाम एवं साँगीतिक कार्यक्रमको आयोजना गरिएको जानकारी दिनुभयो । 

आउँदो अप्रिल १० तारिख आइतवारका दिन दिउँसो १२ बजेबाट केन्द्रिक पार्क टेम्पिमा कार्यक्रम हुने उहाँले बताउनुभयो ।

कार्यक्रममा रुपन्देहि बाट अष्ट्रेलियामा आई बसोवास गरी रहेका व्यक्तित्वहरु र सुमदायमा काम गर्ने विभिन्न संघ, संस्थाका अगुवा प्रतिनिधि, वालबालिका तथा अभिभावकको उपस्थिति रहने संस्थाका उपाध्यक्ष एंव कार्यक्रम संयोजक दिवाकर काफ्ले ले जानकारी दिनुभयो ।

२०१५ मा स्थापना भएको सञ्जालले कोभिड महामारी प्रभावितलाई राहत वितरण, यौन हिंसामा परेका बालबालिकाहरुलाई सहयोग, क्यान्सर पीडितलाई सहयोग, भूकम्प पीडितलाई एनआरएनए मार्फत सहयोग, अनाथ आश्रममा फरक क्षमता भएका व्यक्तिहरुलाई सहयोग, स्वास्थ्या तथा शैक्षिक सामग्री प्रदान गरेको छ ।

आगामी दिनमा पनि सञ्जालले सहयोगात्मक सामाजिक कामहरुलाई अझै बढी सक्रिय बनाउने बताएको छ । कर्यक्रम लाई प्रोपर्टिपल्स पलस र  Biz Box   ले सौजन्य गरेकाछन् ।