काठमाण्डौं–नेपालमा गत २४ घण्टामा थप १८ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार देशभर गरिएको २ हजार ८ सय २२ पिसिआर परिक्षणका क्रममा १२ जना र १ हजार ५ सय २० एन्टीजेन परिक्षणका क्रममा ६ जनामा कोरोना संक्रमण पुष्टि भएको हो। 

हालसम्म नेपालमा कोरोना संक्रमितको संख्या ११ लाख १८ हजार ४ सय १४ पुगेको छ।

कोरोनाका कारण शुक्रबार पनि कसैको ज्यान गएको छैन। हालसम्म नेपालमा ११ हजार ९ सय ५१ जनाको मृत्यु भएको छ।

यस्तै थप २ सय ७१ संक्रमित कोरोनामुक्त भएका छन्। हाल नेपालमा १ हजार ९ सय ६० सक्रिय संक्रमित आइशोलेशनमा रहेको मन्त्रालयले जनाएको छ