काठमाडौं
लोकसेवा आयोगले ३ सय स्टाफ नर्सका लागि दरखास्त आह्वान गरेको छ । नेपाल स्वास्थ्य सेवा, जनरल नर्सिङ समूह, पाँचौ्र तह, स्टाफ नर्स पदका लागि ३ सय दरबन्दी तत्काल पदपूर्ति गर्न विज्ञापन आह्वान गरीएको लोकसेवा आयोगले जारी गरेको सुचनामा उल्लेख छ ।

खुलामा १६५ जनाको सिट छ । त्यस्तै, महिलामा ४५, आदिवासी जनजातिमा ३६, मधेसीमा २९, दलितमा १३, अपांगमा ७ र पिछडिएका क्षेत्रमा ५ जना स्टाफ नर्स मागेको हो । आवेदकले चैत २२ गतेसम्म आवेदन दिइसक्नु पर्ने छ । दोब्बर दस्तुर तिरेर भने चैत २९ गतेसम्म अनलाइनबाट आवेदन दिन सकिने छ । १८ वर्ष पूरा भई ४५ ननाघेकाले मात्र आवेदन दिन पाउनेछन् ।