युक्रेनमा रूसको आक्रमणको मंगलबार छैटौं दिन हो। स्याटेलाइट तस्बिरहरुमा ठूलो संख्यामा रूसी सैनिकको समुह हातहतियारसहित राजधानी किभतर्फ अघि बढिरहेको देखिन्छ।

यी तस्बिरहरू किभको स्थानीय समयअनुसार सोमबार दिउँसो लिइएका हुन्। तस्बिरमा किभको राजधानीबाट लगभग २७ किलोमिटर टाढा एन्टोनोभ एयरपोर्ट नजिकै सेनाहरू देखिन्छन्।

यी स्याटेलाइट तस्बिरहरू सार्वजनिक गर्ने कम्पनी म्याक्सर टेक्नोलोजीले करिब ६४ किलोमिटर सडकमा सेना हातहतियारसहित रहेको जनाएको छ।  

नयाँ तस्बिरहरूमा दक्षिणी बेलारुसमा सैनिक र युद्धका हेलिकप्टरहरू देखिएका छन् भनेर म्याक्सरले बताएको छ। किभ र अन्य युक्रेनी सहरहरूमा अझै खराब हुन बाँकी रहेको अमेरिकी गुप्तचर एजेन्सीहरूले सोमबार चेतावनी दिएका छन्। बीबीसी