६ मंसिर, २०८१ बिहिबार
09:07:24 PM
१४ माघ, २०७८
काठमाण्डौं
नेपालमा पछिल्लो २४ घन्टामा थप ६ हजार ८ सय २७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ५ हजार ४ सय ३२ जना कोरोना संक्रमणमुक्त भएका छन् । २४ घन्टामा १३ हजार ७९१ पीसीआर तथा ६ हजार ७८ एन्टिजेन परीक्षण भएको स्वास्थ्य मन्त्रालयले जनाएको छ।
यस्तै गत २४ घण्टामा कोराना भाइरसका कारण १० जनाले ज्यान गुमाएका छन् । यससँगै नेपालमा कोरोना भाइरसका कारण ज्यान गुमाउनेको संख्या ११ हजार ६९७ पुगेको छ। हाल देशभर ८९ हजार ९४१ जना सक्रिय संक्रमित रहेका छन् ।
यसैगरी काठमाण्डौं उपत्यकामा थप २ हजार ९ सय ४० जनामा कोरोना भाइरसको संक्रमण पुष्टि भएको छ । काठमाण्डौंमा २ हजार १५३, भक्तपुरमा २६८ तथा ललितपुरमा ५१९ जना संक्रमित थपिएका हुन्।
