प्रधानमन्त्री पुष्पकमल दाहाल प्रचण्डबाट आज नेपाल बिजनेश समिट २०२३ समुद्घाटन गरिएको छ । आज विहान होटल याक एण्ड यतीमा उक्त सम्मेलन शुरु भएको हो । 

नेपाल सरकार, बैंक तथा वित्तीय संस्था परिसंघ नेपाल (सिबिफिन) र नेपाल विजनेस इन्स्टिच्युटको संयुक्त आयोजनामा आज वैशाख २४ गते नेपाल बिजनेश समिट (नेपाल व्यवसाय शिखर सम्मेलन) शुरु भएको हो ।

नेपाल सरकार, बैंक तथा वित्तीय संस्था परिसंघ नेपाल (सिबिफिन) र नेपाल विजनेस इन्स्टिच्युटको संयुक्त आयोजनामा आज वैशाख २४ गते नेपाल बिजनेश समिट (नेपाल व्यवसाय शिखर सम्मेलन) शुरु भएको हो ।

सम्मेलनमा स्वागत मन्तव्य राख्दै सिबिफीनका अध्यक्ष पवनकुमार गोल्यानले सम्पूर्ण नागरिकसँग जोडिएको वित्तीय संस्थालाई आर्थिक विकासको मेरुदण्डका रुपमा परिभाषा गर्नुपर्नेमा जोड दिनुभयो । 

उहाँले राजस्व र आयातमा आधारित अर्थतन्त्रबाट निर्यात र उत्पादनमुखी अर्थतन्त्र निर्माणमा जोड दिनुपर्ने बताउनुभयो । नीजि क्षेत्र बलियो बने मात्रै आर्थिक विकास हुनेमा जोड दिँदै उहाँले नयाँ बजेट निर्माणका समयमा सरकारले विशेष ध्यान दिनुपर्नेमा जोड दिनुभयो । 

नेपालको आर्थिक विकासका लागि कृर्षि उर्जा, पर्यटन, भौतिक पुर्वाधार विकास तथा निर्यात प्रवद्र्धन गर्नुपर्नेमा जोड दिनुभयो । उहाँले डिजिटल नेपालको फ्रेमवर्कमा सरकारले काम गर्न जरुरी रहेको बताउनुभयो ।

उद्योगलाई आत्मनिर्भर गराउनेतर्फ उहाँले प्रधानमन्त्रीको ध्यानाकर्षण पनि गराउनुभयो । उहाँले नेपालको उत्पादन मुल्यभन्दा कम नहुने गरी भन्सार दर निर्धारण गर्न पनि अनुरोध गर्नुभयो । उहाँले उद्योगलाई विद्युतमा छुट दिन पनि अनुरोध गर्नुभयो । जिटुबी र जिटुजी पूर्वाधार विकासको नीति लिन पनि उहाँल्े सरकारलाई सुझाव दिनुभयो ।

नेपाल बिजनेश समिटबाट प्राप्त हुने सल्लाह, सुझाव र घोषणापत्रको विषय आउँदो बजेटमा समेत समावेश हुने उहाँले विश्वास व्यक्त गर्नुभयो ।