काठमाण्डौं

नेपालमा पछिल्लो २४ घन्टामा थप ८ हजार १७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १५ जनाको मृत्यु भएको छ । यससँगै नेपालमा हालसम्म कोरोनाबाट ज्यान गुमाउनेको संख्या ११ हजार ६८७ पुगेको छ।

यस्तै बिहीबार ५ हजार २ सय ९२ जना कोरोना संक्रमणमुक्त भएको मन्त्रालयले जनाएको छ। हाल देशभर ९० हजार ५७६ जना सक्रिय संक्रमित रहेका छन्। गत २४ घन्टामा १५ हजार ७३६ पीसीआर तथा ६ हजार ७२ एन्टिजेन परीक्षण भएको छ।