काठमाडौं । 
पछिल्लो २४ घण्टामा नेपालमा १०३१९ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ८०५४ जना र एन्टिजन परिक्षण गर्दा २२६५ जना गरि जम्मा १०३१९ जना नयाँ संक्रमित थपिएका हुन् । 
यसैगरी २४ घण्टामा २५४० जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ८९.७ प्रतिशत रहेको छ । यस अवधिमा मृत्यु हुनेको संख्या ४ र हालसम्म कोरोनाबाट मृत्यु हुनेको संख्या ११ हजार ६५९ पुगेको छ ।

पछिल्लो २४ घण्टामा २१ हजार २०१ जनामा कोरोना परिक्षण गरिएको थियो भने एक लाख १९ हजार ३७१ जनालाई खोप लगाइएको थियो  । हाल सक्रिय संक्रमितको संख्या ८२ हजार ५५० रहेको छ ।