काठमाण्डौं

नेपालमा कोरोना भाइरसको संक्रमण दिनहुँ बढिरहेको छ । पछिल्लो २४ घण्टामा थप १० हजार २५८ जनामा कोरोना भाइरसको संक्रमण पुष्टि भएको छ। नेपालमा कोरोना संक्रमण भित्रिएयता एकैदिनमा पुष्टि भएको सबभन्दा धेरै संक्रमित संख्या हो । यसअघि २८ वैशाख २०७८ मा ९ हजार ४८३ जनामा संक्रमण पुष्टि भएको थियो । 

स्वास्थ्य तथा जनसंख्या मन्त्रालयका अनुसार मंगलबार ५६२ जना संक्रमणमुक्त भएका छन् । मन्त्रालयका अनुसार हाल देशभर ३९ हजार ४४ सक्रिय संक्रमित छन्।

यस्तै गत २४ घण्टामा थप १ जना कोरोना संक्रमितको मृत्यु भएको छ। यससँगै नेपालमा हालसम्म कोरोनबाट ज्यान गुमाउनेको संख्या ११ हजार ६२४ पुगेको छ।
गत २४ घण्टामा १७ हजार ८७२ पीसीआर तथा ४ हजार ९५६ एन्टिजेन परीक्षण भएको छ छ ।