३१ बैशाख, २०८१ सोमबार
12:02:22 AM
२६ साउन, २०७९
काठमाण्डौं । एक वर्षमा साहस उर्जा लिमिटेडले ७१ करोड ५३ लाखभन्दा बढी खुद नाफा गरेको छ । यो नाफा अघिल्लो आर्थिक वर्षको तुलनामा २९.७९ प्रतिशतले बढि हो ।
अघिल्लो वर्ष कम्पनीले ५५ करोड ११ लाख रुपैयाँभन्दा बढी मात्र खुद नाफा गरेको थियो ।
गत वर्ष कम्पनीको कुल आम्दानी साढे २९ प्रतिशत बढी भएको छ । अघिल्लो वर्ष ५५ करोड ४७ लाख रुपैयाँभन्दा बढी कुल आम्दानी गरेको कम्पनीले गत वर्ष ७१ करोड ८७ लाख रुपैयाँभन्दा बढी कुल आम्दानी गरेको हो ।
यस्तै प्रशासनिक खर्च भने अघिल्लो वर्षभन्दा करिब ५ प्रतिशत कम भएको छ । अघिल्लो वर्ष ३६ लाख रुपैयाँभन्दा बढी रहेको प्रशासनिक खर्च गत वर्ष ३४ लाख रुपैयाँभन्दा बढी मात्र भएको हो ।
हाल कम्पनीको चुक्तापूँजी ३ अर्ब ५० करोड रुपैयाँ रहेको छ । जगेडा कोष रकम २ अर्ब २ करोडभन्दा बढी छ । गत चौथो त्रैमाससम्म कम्पनीको प्रतिसेयर आम्दानी २०.४४ र प्रतिसेयर नेटवर्थ १५७.८७ रहेको छ ।
