काठमाण्डौं । कारोबारको तेस्रो दिन बुधबार पनि सेयर बजार बढेको छ । नेपाल स्टक एक्सचेञ्ज (नेप्से)का अनुसार सेयर बजार ५९.५४ अंकले बढेर नेप्से परिसूचक १ हजार ९ सय ८६.८२ विन्दुमा बन्द भएको छ । 

आज कारोबार पनि बढेको छ । मंगलबार सेयर बजार बढे पनि कारोबार भने घटेको थियो । सेयर बजार बढ्दा २ अर्ब ४ करोड ४४ लाख ४३ हजार ७ रुपैयाँको कारोबार भएको छ भने ५७ लाख ८७ हजार १२६ कित्ता सेयर किनबेच भएका छन् । 

यस्तै सबै उपसमुहरु बढेका छन् । कम्पनीतर्फ नेपाल फाइनान्स र रिलाइन्स फाइनान्समा सर्किट ब्रेक लागेको छ भने सिईडीबी हाइड्रोपावर विकास कम्पनी ९.९० प्रतिशत र कर्पोरेट विकास बैंक ९.८२ प्रतिशतले बढेका छन् ।