काठमाडौं । सिद्धार्थ इन्स्योरेन्स र प्रिमियर इन्स्योरेन्सबीच एक आपसमा मर्जरमा जाने सहमति भएको छ । सोमबार साँझ दुई कम्पनीबीच मर्जरमा जाने प्ररम्भिक सहमतिपत्रमा हस्ताक्षर भएको हो । सोमबार भएको समझदारी पत्रमा दुबै कम्पनीका अध्यक्षहरुले हस्ताक्षर गरेका छन् ।

स्वाप रेसियो भने सम्पती र दायित्व मूल्यांकन (डिडिए) पछि तय गर्ने सहमति भएको छ । हाल सिद्धार्थ इन्स्योरेन्सको चुक्ता पूँजी १ अर्ब २८ करोड ८० लाख रुपैयाँ र प्रिमियर इन्स्योरेन्सको चुक्ता पूँजी १ अर्ब २२ करोड ७६ लाख  रुपैयाँ रहेको छ ।