काठमाण्डौं

साताको दोस्रो दिन सोमबार पनि सेयर बजार दोहोरो अंकले उकालो लागेको छ । सेयर बजार १९.४३ अंकले उकालो लागेको हो । १९.४३ अकंले सेयर बजार उकालो लाग्दा नेप्से परिसूचक २ हजार ७ सय ८४.९५ विन्दुमा सिमित भएको छ। आज १ करोड ४२ लाख ८८ हजार १ सय ३० कित्ता सेयर किनबेच हुँदा ७ अर्ब १२ करोड ३४ लाख २४ हजार ३५ रुैयाँको कारोबार भएको छ ।

उपसमुहतर्फ बैंकिङ ०.८२ प्रतिशत, होटल एण्ड टुरिजम १.१८ प्रतिशत र म्यानुफ्याक्चर एण्ड प्रडक्शन ०.६६ प्रतिशतले ओरालो लागेका छन् भने बाँकी उपसमुह उकालो लागेका छन् । सबैभन्दा बढी अन्य उपसमुह ५.४८ प्रतिशतले बढेको छ भने सबैभन्दा बढी घट्नेमा होटल एण्ड टुरिजम रहेको छ।

यस्तै कम्पनीतर्फ मध्य भोटेकोशी जलविद्युत कम्पनी लिमिटेड शतप्रतिशत बढेको छ भने युनियन हाइड्रोपावर लिमिटेड ९.९९ प्रतिशत र कर्पोरेट डेभलपमेन्ट विकास बैंक लिमिटेड ९.९८ प्रतिशतले बढेका छन् ।