काठमाण्डौं । जीवन बीमालेख बढेको छ । बीमा समितिको तथ्यांक अनुसार एक वर्षको अवधिमा गत वर्षको वैशाख मसान्तदेखि यस वर्षको वैशाख मसान्तसम्म बीमालेख संख्या ३९ लाख ७३ हजार ८१७ ले बढेर कुल जीवन बीमा संख्या १ करोड २३ लाख ७१ हजार ५७२.७ पुगेको छ । 

यो कुल जीवन बीमालेख गतवर्षको तुलनामा ४७.३२ प्रतिशतले बढि हो । २०७८ वैशाख मसान्तसम्म कुल बीमालेख संख्या ८३ लाख ९७ हजार ७५५ थियो । 

यस अवधिमा जीवन बीमाशुल्क ११.६४ प्रतिशतले वृद्धि भएर १ खर्ब १० अर्ब ४० करोड २१ लाख रुपैयाँ बीमा शुल्क संकलन भएको बीमा समितिको तथ्यांकमा उल्लेख छ । 
गत वर्ष बैशाख मसान्तसम्म ९८ अर्ब ८९ करोड बीमा शुल्क संकलन भएको छ। 

यस्तै यस अवधिमा भने कुल निर्जीवन बीमालेख घटेको छ । गत वर्षको बैशाख मसान्तसम्म २३ लाख ८१ हजार ४१७ बीमालेख रहेकोमा यस वर्षको सोही अवधिमा उक्त बीमालेख १.३९ प्रतिशतले घटेर २३ लाख ४८ हजार २३२ पुगेको छ । 

यस अवधिमा निर्जीवन बीमाशुल्क २६.७१ प्रतिशतले वृद्धि भएर ३१ अर्ब १९ करोड ७१ लाख रुपैयाँ संकलन भएको छ । गत वैशाख मसान्तसम्ममा कम्पनीहरुले २४ अर्ब ६२ करोड बीमा शुल्क संकलन भएको छ। 

यस अवधिमा कम्पनीहरुको कुल बीमाशुल्क १४.६५ प्रतिशतले बढेर १४ अर्ब १५ करोड ९९ लाख रुपैयाँ संकलन भएको छ । 

समितिको तथ्यांक अनुसार म्यादि, लघु म्यादि र वैदेशिक रोजगार बीमा, जीवन बीमालेख बाहेक जीवन बीमालेख संख्यामा पनि ४९.८५ प्रतिशतले वृद्धि भएको । यस अवधिमा जीवन बीमालेख संख्या ५० लाख ७३ हजार ६७९ पुगेको छ भने म्यादि र लघु म्यादि जीवन बीमालेखको संख्या ६४ लाख ४३ हजार ३४५ पुगेको छ । गत वर्षको सोही अवधिमा म्यादि, लघु म्यादि जीवन बीमालेख संख्या ७६ लाख ८५ हजार ५७७ रहेको थियो । 

वैदेशिक रोजगार बीमा संख्यामा पनि यस वर्ष २०.०१ प्रतिशतले वृद्धि भएको छ । गत वर्षको बैशाख मसान्तसम्म ७ लाख १२ हजार १७८ बीमालेख रहेकोमा यस वर्ष बढेर ८ लाख ५४ हजार ६६७ पुगेको छ । 

समितिका अनुसार यस अवधिमा कुल जीवन बीमाशुल्क संकलनमा पनि १४.६५ प्रतिशतले वृद्धि भएको छ । गत वर्ष १ खर्ब २३ अर्ब ५१ करोड बीमा शुल्क संकलन भएको यस वर्षको सोही अवधिमा उक्त बीमा शुल्क संकलनमा वृद्धि भएसँगै १ खर्ब ४१ अर्ब ५९ करोड ९२ लाख रुपैयाँ पुगेको छ ।

यस अवधिमा म्यादि, लघुम्यादि र वैदेशिक रोजगार जीवन बीमालेख बाहेक पाँच प्रतिशत घटाएर लिएको बीमालेखको संख्या ४८ लाख १९ हजार ९९५ रहेको छ । पाँच प्रतिशत घटाएर लिएको म्यादि जीवन बीमालेख सहितको संख्या १ करोड ९ लाख ४१ हजार १७३ रहेको छ । गत वर्षको सोही अवधिमा उक्त बीमालेख संख्या ७३ लाख १ हजार २९८ रहेको थियो ।

यसैगरी, म्यादि, लघु म्यादि र वैदेशिक रोजगार बीमा जीवन बीमालेख बाहेक बीमाको दायरामा आएको जनसंख्या १५.९९ प्रतिशत रहेको छ । म्यादि, लघु म्यादि र वैदेशिक रोजगार बीमा जीवन बीमासहितको बीमाको दायरामा आएको जनसंख्या ३९.१२ प्रतिशत रहेको छ । गत वर्षको सोही अवधिमा २६.९२ प्रतिशत जनसंख्या रहेको थियो ।

म्यादि र लघु म्यादि बीमा जीवनबीमा लेख सहित बीमाको दायरामा आएको जनसंख्या ३६.२९ प्रतिशत रहेको छ । गत वर्षको सोही अवधिमा बीमाको दायरामा आएको म्यादि र लघु म्यादि बीमा जीवनबीमा लेख जनसंख्या २४.५३ प्रतिशत रहेको तथ्याङकमा उल्लेख छ। 

समितिका अनुसार बीमा कम्पनीहरुको कार्यालयको संख्यामा पनि १४.५८ प्रतिशतले वृद्धि भएको छ । गत वर्ष बीमा कम्पनीका कार्यालयहरु २ हजार ९२२ रहेकोमा यस वर्ष ३ हजार ३४८ पुगेका छन् । 

यस अवधिमा बीमा कम्पनीका कर्मचारीको संख्यामा पनि १२.३१ प्रतिशतले वृद्धि भएर ११ हजार ८७५ जना पुगेका छन् । गत वर्षको सोही अवधिमा बीमा कम्पनीहरुमा १० हजार ५७३ कर्मचारी पुगेको तथ्याङकमा उल्लेख छ ।