वृद्धा भत्ता नलिने जेष्ठ नागरिकलाई सरकारले सम्मान गर्ने 

काठमाडौं । सरकारले वृद्धा भत्ता नलिने घोषण गर्ने जेष्ठ नागरिकलाई सम्मान गर्ने घोषण गरेको छ ।

अर्थमन्त्री जनार्दन शर्माले आगामी आर्थिक वर्ष २०७९।८० को बजेट प्रस्तुत गर्दै उमेर पुगेको तर सामाजिक सुरक्षा भत्ता नलिने घोष्णा गर्ने जेष्ठ नागरिकलाई सरकारले सम्मान गर्ने घोष्णा गर्नुभएको हो । 

यसैगरी अर्थमन्त्री शर्माले आगामी आर्थिक वर्षदेखि वृद्धा भत्ता पाउने उमेर हद घटाएको घोषणा गर्नुभएको हो ।

हाल ७० वर्षमाथिका जेष्ठ नागरिकले मात्र वृद्धा भत्ता पाउने गरेकोमा आगामी आर्थिक वर्षबाट  ६८ वर्षमै वृद्धा भत्ता पाइने अर्थमन्त्री जनार्दन शर्माले बताउनुभयो ।

भत्ता लिन नचाहने लाभग्राहीलाई सरकारले सम्मान गर्ने पनि उहाँले बताए ।