काठमाण्डौं । रिभर फल्स पावरले आज बुधबारदेखि सर्वसाधारणका लागि आइपीओ निष्काशन गरेको छ ।

लगानीकर्ताले आइपीओ खरिदका लागि जेठ ४ गतेसम्म आवेदन दिन सक्नेछन् । । सो अवधिमा सबै सेयर बिक्री नभएमा जेठ ११ गतेसम्म आवेदन दिन सक्ने कम्पनीले जानकारी दिएको हो । 

कम्पनीले २७ करोड ३० लाख रुपैयाँ बराबरको आइपीओ सर्वसाधारणका लागि ल्याएको हो । यसले प्रतिकित्ता १०० अंकित मूल्यका दरले २७ लाख ३० हजार कित्ता साधारण सेयर निष्कासन गरेको छ ।

यस मध्ये ५ प्रतिशत अर्थात् १ लाख ३६ हजार ५०० कित्ता सामुहिक लगानी कोष र २ पतिशत अर्थात् ५४ हजार ६०० कित्ता सेयर कर्मचारीहरुका लागि छुट्याइएको छ । बाँकी २५ लाख ३८ हजार ९०० कित्ताका लागि सर्वसाधारणले आवेदन दिन सक्नेछन् । 

लगानीकर्ताले यसमा न्यूनतम १० कित्तादेखि अधिकतम १ लाख कित्ताका लागि आवेदन दिन सक्नेछन् ।

लगानीकर्ताले सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । 

यस आइपीओमा प्रभु क्यापिटल बिक्री प्रबन्धक रहेको छ ।