काठमाण्डौ । वैशाख ३० मा तोकिएको स्थानीय तहको निर्वाचनका दिन काठमाडौंबाट लुक्ला जान टिकट काटेका विदेशी पर्यटकलाई उडान सेवा दिइने भएको छ ।
समिट एयरले मंगलबार एक सूचना जारी गरी यसबारे जानकारी गराएको हो । कम्पनीले टिकट जारी भएका एजेन्टहरुले पर्यटकलाई विमानस्थलसम्म लैजाने व्यवस्था मिलाएर सहजीकरण गर्न समेत आग्रह गरेको छ ।
यस दिन उद्धार उडान र सरकारले तोकेका उडानहरुबाहेक अन्य नियमित आन्तरिक उडान गर्न मिल्दैन। वायुसेवा संचालक संघले यसबारे यात्रुलाई सूचित गरेको छ ।
