काठमाण्डौं । जिम्बाब्बे ए विरुद्धको एकदिवसीय खेलमा नेपालले ९ विकेटले विजय हाँसिल गरेको छ । शनिबार त्रिवि क्रिकेट मैदानमा भएको खेलमा जिम्बाब्बेले दिएको ८८ रनको लक्ष्य नेपालले ११.२ ओभरमा एक विकेठ गुमाएर लक्ष्यमा पुग्न सफल भयो।

नेपालका लागि ओपनर सुनिल धमलाले ३८ रन बनाउनु भयो भने अर्का ओपनर आसिफ शेखले ३४ र विनोद भण्डारी ४ रनमा अविजित रहनु भयो।

टस जितेर फिल्डिङ रोजेको नेपालले जिम्बाब्बे ए लाई ३१.५ ओभरमा ८७ रनमा अलआउट पारेको थियो ।