काठमाण्डौं । ज्योति लाईफको ब्राण्ड एम्बेसडरमा महानायक राजेश हमालकै निरन्तरता रहने भएको छ ।

कम्पनीको स्थापना काल देखिनै ज्योति लाईफको ब्राण्ड एम्बेसडरमा रहेका महानायक र ज्योति लाईफ इन्स्योरेन्स कम्पनीबीच सम्झौता नविकरण गरिएको हो ।

सम्झौता पत्रमा कम्पनीका तर्फबाट प्रमुख कार्यकारी अधिकृत प्रकाश बिक्रम खत्री र महानायक राजेश हमालले हस्ताक्षर गर्नुभएको हो । 

सम्झौता पश्चात ब्राण्ड एम्बेसडर महानायक हमालले ज्योति लाईफका सेवाहरुको प्रचारात्मक कार्य, ब्राण्ड प्रवर्द्धन तथा ब्राण्ड संरक्षण सम्बन्धी कार्यहरुमा निरन्तरता दिने भएका छन् ।  

कम्पनीका प्रमुख कार्यकारी अधिकृत प्रकाश बिक्रम खत्रीले, प्रेरणाको स्रोत, भरोसायोग्य, अग्रणी तथा सरलताले भरिएका अभिनेता महानायकसँगको सहकार्यले ज्योति लाईफको प्रवर्द्धन गर्न थप सहयोग पुग्ने बताउनुभयो । 

यस्तै महानायक राजेश हमालले पनि ज्योति लाईफको ब्राण्ड एम्बेसडरमा निरन्तरता दिन पाउँदा खुसी लागेको र कम्पनीको प्रगतिमा राम्रो भूमिका निर्वाह गर्ने प्रतिबद्धता गर्नुभएको छ ।