१६ कार्तिक, २०८१ शुक्रबार
11:08:22 AM
२२ बैशाख, २०७९
स्थानीयका लागि १३ करोड ५० लाख रुपैयाँ बराबरको प्रतिकित्ता १०० रुपैयाँ अंकित दरका १३ लाख ५० हजार कित्ता सेयर जारी गर्न लागेको
काठमाण्डौं । अप्पर सोलु हाइड्रो इलेक्ट्रिक कम्पनी लिमिटेडले आइपीओ निष्काशन गरेको छ ।
कम्पनीले आज बिहीबारदेखि पहिलो चरणमा आयोजना प्रभावित सोलुखुम्बु जिल्लाको हाल सोलु दुधकुण्ड नगरपालिकाका बासिन्दाहरुका लागि आइपीओ निष्काशन गर्न लागेको हो ।
कम्पनीले कार्यालय समयमा स्थानीयका लागि १३ करोड ५० लाख रुपैयाँ बराबरको प्रतिकित्ता १०० रुपैयाँ अंकित दरका १३ लाख ५० हजार कित्ता सेयर जारी गर्न लागेको जनाएको छ ।
स्थानीयहरुले न्यूनतम १० कित्तादेखि अधिकतम १ लाख कित्तासम्म सेयरका लागि खावेदन दिन सक्नेछन् ।
सो आइपीओ खरिदका लागि लगानीकर्ताले छिटोमा जेठ ५ गतेसम्म आवेदन दिन सक्नेछन् । सो अवधिसम्म आवेदन नपरेमा ढिलोमा जेठ २० गतेसम्म बिक्रि खुला रहने कम्पनीले जानकारी दिएको छ ।
आइपीओ बिक्री प्रबन्धकमा एनएमबि क्यापिटल लिमिटेड रहेको छ ।
इक्रा नेपालले कम्पनीको आइपीओलाई दायित्व बहन गर्ने क्षमतामा औषत जोखिम रहेको संकेत गर्ने इक्राएनपी आईआर डबल बी प्लस रेटिङ्ग प्रदान गरेको छ ।
स्थानीयले एनएमबि बैंक, लक्ष्मी बैंक, ग्लोबल आइएमई बैंक र प्राइम कमर्सियल बैंकका सोलुखुम्बु शाखा कार्यालयबाट आवेदन दिन सक्नेछन् । यसका साथै आस्बा सेवामा सहभागी बैंक तथा वित्तीय संस्थाहरुबाट पनि आवेदन दिन सकिने व्यवस्था छ ।
कम्पनीले सोलुखुम्बु जिल्लामा २३.५ मेगावाट क्षमताको सोलु जलविद्युत आयोजना निर्माण सम्पन्न गरी व्यापारिक उत्पादन गरिरहेको छ ।
उक्त आयोजनाबाट उत्पादित विद्युत २०७८ साल फागुन ७ गतेदेखि राष्ट्रिय प्रशारण प्रणाली मार्फत पूर्ण रुपमा बिक्री भैरहेको हो ।
