काठमाडौं । आइएमई जनरल इन्स्योरेन्सको लिलामी सेयरमा आवेदन दिने म्याद थप भएको छ। कम्पनीको अवतरित सेयर बिक्री गर्ने समय पुन थप गरेको हो । कम्पनीले यस अघि फागुन २२ गतेदेखि चैत १३ गतेसम्म हकप्रद सेयर बिक्री खुला गरेको थियो ।

कम्पनीले सो समयमा बिक्री हुन नसकेको संस्थापक तर्फको २ हजार २६१ कित्ता र सर्वसाधारण तर्फको ८८ हजार ९३४ कित्ता सेयर बैशाख १२ गते देखि लिलामीमा ल्याएको हो । कम्पनीले एक सूचना प्रकाशित गर्दै हकप्रद सेयरमा आवेदन दिने समय बैशाख २१ गते बुधबार बैकिङ समयसम्म हुने जनाएको हो ।

बैशाख २० गते आवेदन दिने अन्तिम दिन भनिएको भएपनि आज(बैशाख २० गते मंगलबार) ईदको अवसरमा नेपाल सरकारले सार्वजनिक विदा दिए पछि आवेदन दिने मिति १ दिन थप भएको हो । उक्त सेयरको न्यूनतम मूल्य १ सय रुपैयाँ तोकिएको छ । त्यसैले शिलबन्दी बोलपत्र पेश गर्दा सो वा सोभन्दा बढी मूल्य अंकित गरी बोलकबोल गर्नुपर्नेछ ।