७ मंसिर, २०८१ शुक्रबार
07:14:57 PM
१८ बैशाख, २०७९
सर्वसाधारण समूहको सबै र संस्थापक समूहको ९४ हजार ७ सय कित्ता सेयर बिक्री भएको कम्पनीले जनाएको छ ।
काठमाण्डौं । समृद्धि फाइनान्स लिमिटेडले लिलाम बढाबढ गरी बिक्री खुल्ला गरेको अवितरित हकप्रद सेयर बाँडफाँड गरिएको छ । उक्त अवितरित हकप्रद सेयरमा परेका बोलपत्रहरू वैशाख १४ गते खोलेर वैशाख १६ गते बाँडफाँड गरिएको हो ।
कम्पनीले चैत्र २९ गते, मंगलबारबाट वैशाख ७ गतेसम्म आवेदन खुल्ला गरेको थियो । कम्पनीले ८ लाख ६७ हजार ३६६ कित्ता संस्थापक समूहको र ७३ हजार १०० कित्ता सर्वसाधारण समूहको गरी कूल ९ लाख ४० हजार ४ सय ६६ कित्ता सेयर लिलाम बढाबढ गरी बिक्री खुल्ला गरेको थियो ।
जसमध्ये, सर्वसाधारण समूहको सबै र संस्थापक समूहको ९४ हजार ७ सय कित्ता सेयर बिक्री भएको कम्पनीले जनाएको छ ।
लिलामी सेयरमा संस्थापक समूहको १०१ रूपैयाँ र सर्वसाधारण समूहको न्यूनतम २०५ रुपैयाँ कट अफ कायम भएको छ ।
बोलपत्रमा नपरेका बोलपत्रवालाहरुलाई बोलपत्र फाराममा उल्लेख गरेको बैंक खातामा वैशाख २१ गते बुधबारबाट रकमान्तर गरिने पनि कम्पनीले जानकारी दिएको छ ।
