काठमाण्डौं । धितोपत्र दोस्रो बजारमा चैत महिनामा मात्र १३ करोडभन्दा बढि कित्ता सेयर थपिएको छ । नेप्सेले सार्वजनिक गरेको चैत महिनाको तथ्यांक अनुसार ४ कम्पनीको १३ करोड ९८ लाख ३९ हजार ५९४.५५ कित्ता सेयर थपिएको हो ।

चैत महिनामा दुई करोड ५० लाख कित्ता सरकारी विकास ऋणपत्र, कर्पोरट तर्फको सिभिल बैंकको ३० लाख कित्ता ऋणपत्र, नेष्डो समृद्ध लघुवित्त वित्तीय संस्था लिमिटेडको २५ लाख ५० हजार कित्ता आईपीओ र नारायणी डेभलपमेन्ट बैंकको १३ लाख १२ हजार ३३८ कित्ता हकप्रद सेयर समेत सूचीकृत भएको नेप्सेले जानकारी दिएको हो । 

नेप्सेका अनुसार यो महिना २९ कम्पनीको धितोपत्र सूचीकृत भएकोमा २४ कम्पनीहरुको १० करोड ७९ लाख ७७ हजार २५६.५५ कित्ता बोनस सेयर सूचीकृत भएको छ । 

यो महिनामा सबैभन्दा बढी बोनस सेयर सूचीकृत भएको छ । धितोपत्र दोस्रो बजारमा सूचीकृत कम्पनीका सेयर मूल्य माग र आपुर्तिबीचको सन्तुलनले निर्धारण गर्ने हुन्छ ।