काठमाण्डौं । चालु आर्थिक वर्षको सुरुवातसँगै सेयर बजारमा तीव्र रूपमा उतारचढाव भइरहेको छ । सेयर बजार  पछिल्लो एक सातामा ८९.७९ अंकले गिरावट आएको छ । 

गत साता तीन दिन मात्रै कारोबार भएको सेयर बजारमा ४९.०७ अंकको गिरावट आएको थियो । पछिल्लो एक सातामा नेप्से गत साताको भन्दा उच्च ८९.७९ अंकले गिरावट आएको हो । 

८ महिना अगाडि २०७८ भदौ २ गते बुधबार ३१९८.६० बिन्दुमा पुगेर नेपाली सेयर बजारले नयाँ एतिहास रचेको थियो ।

तर आठ महिनायता लगातार रूपमा गिरावट आएको नेप्से २०७९ वैशाख ८ गतेसम्म आउँदा ८७३.१५ अंकले घटेर २३२५.४५ बिन्दुमा सीमित भएको छ।