काठमाण्डौं । नेपाल राष्ट्रिय उद्योग व्यवसाय महासंघका उपाध्यक्ष सी.एन पाण्डेले महासंघको दोस्रो महाधिवेशनका सबै काम सम्पन्न भएको बताउनुभएको छ ।

यहि चैत २३ र २४ गते हुन लागेको महासंघको दोस्रो महाधिवेशनका लागि प्रतिनिधि छनौट, व्यवस्थापन लगाएतका सम्पूर्ण कार्य सम्पन्न भएको पाण्डेले बताउनुभएको हो  । 

उहाँले पालिका, क्षेत्र, जिल्ला प्रदेश, र पेशागत संघ–संस्थाको प्रतिनिधित्व हुने गरि महाधिवेशन भव्य रुपमा सम्पन्न गर्नका लागि आफुहरु अन्तिम तयारीमा जुटेको बताउनुभएको छ ।

विभिन्न प्रकृतिक विपदका कारण सुस्ताएको व्यपार व्यवसायलाई माथी उठाउन यो महाधिवेशन अर्थपूर्ण हुने उहाँले बताउनुभयो ।

‘महाधिवेशनमा हामीले उद्योग, व्यवसाय र व्यवसायीका समस्या समाधानका विषयलाई समेत प्रमुखताका साथ उठान गर्छौ उहाँले भन्नुभयो ।

उपाध्यक्ष पाण्डेले देशभरबाट उद्योगी व्यवसायी सहभागि हुँदा देशका पूर्व देखी पश्चिमसम्मका सबै समस्या समाधानका लागि आफुहरुले सुझाव संकलन गर्ने समेत बताउनुभयो ।

विभिन्न प्रकृतिक विपदका कारण सुस्ताएको व्यपार व्यवसायलाई माथी उठाउन यो महाधिवेशन अर्थपूर्ण हुने उहाँले बताउनुभयो ।

उहाँले भन्नुभयो, ‘समस्या छन्, समाधान पनि छ त्यसैले हामीले यो महाधिवेशनलाई खाली नेतृत्व चयन र एउटा कार्यक्रमका रुपमा मात्र नहेरी व्यवसायीका समस्या समाधान र आगमी बाटो पहिल्याउने एउटा महत्वपूर्ण अवसरका रुपमा समेत उपयोग गर्न खोजिरहेका छौं । पर्यटन क्षेत्र कोरोनाका कारण सबैभन्दा बढि प्रभावित बनेको छ । यसलाई कसरी माथी उठाउन सकिन्छ हामी यस विषयलाई पनि महाधिवेशनबाट एउटा निचोडमा लैजाने तयारीमा छौं । सरकार, सरोकारवाला निकाय र निजी क्षेत्रको सहकार्यबाट देशको आर्थिक समृद्धि सम्भव छ, यसका लागि हामी व्यवसायी विधिसम्वत रुपमा अगाडि बढ्न तयार छौं । यी सबै विषयमा देशभरबाट सहभागि साथीहरुको सुझाव र समस्याहरुलाई समेटेर हामीले सरकारसंग लविङ गर्ने छौं ।’

देशभर रहेका व्यवसायी, नेकपा एमालेसँग सम्बन्धित आस्था, भरोसा र विचारसँग सहयात्रा गर्ने उद्योग व्यवसायीहरुको विधानले व्यवस्था गरे अनुसार पालिका, जिल्ला, प्रदेश, पेशगत  संघ–संस्थाहरुबाट, विभिन्न विभागबाट उहाँहरुको सदस्यता र प्रतिनिधिहरुका लागि केन्द्रिय कार्यालयमा सबै कुराहरु आइसकेको छ ।

यो महाधिवेशनबाट आफूहरुले व्यवसायीहरुका हकहितका लागि काम गर्ने प्रभावशाली नेतृत्व चयन गर्ने उहाँले बताउनुभयो । संगठन, पार्टी र नेतृत्वले अगाडि बढाएको ‘समृद्ध नेपाल, सुखी नेपाली’ अवधारण पूरा गर्न लागि पर्ने उहाँले बताउनुभयो ।

महासंघको दोस्रो महाधिवेशनको उद्घाटन पूर्व प्रधानमन्त्री एंव नेकपा एमालेका अध्यक्ष केपी शर्मा ओलीले गर्ने कार्यक्रम रहेको छ । महाधिवेशन प्रज्ञा भवनमा हुनेछ ।