काठमाडौं । नेपाल स्टक एक्सचेन्जमा कार्यरत कर्मचारीहरूले ट्रेड युनियन गठन गरेका छन्। नवराज थापाको अध्यक्षतामा कर्मचारी ट्रेड युनियन गठन भएको हो । गत पुस ३० गते भएको नेप्सेका कर्मचारीहरुको भेलाले ट्रेड युनियन गठन गर्ने निर्णय गरेको थियो। सोही निर्णय बमोजिम ट्रेड युनियन ऐन २०४९ को दफा ३ को उपदफा (३)बमोजिम प्रतिष्ठान स्तरको ‘नेप्से कर्मचारी संघ’ को नाममा ट्रेड युनियन गठन गरिएकोे हो ।

संघको उपाध्यक्षमा मना भुसाल, सचिवमा रमेशप्रसाद लामिछाने र कोषाध्यक्षमा सावित्रा केसी रहेका छन्। त्यस्तै, सदस्यहरुमा आकृति दङ्गाल, नितु कुमारी यादव र कृपा श्रेष्ठ रहेका छन् ।