१८ मंसिर, २०८१ मंगलबार
11:10:36 PM
१६ चैत, २०७८
करिब १२ सय भन्दा बढि देशभरबाट प्रतिनिधि सहभागी हुने महाधिवेशनमा प्रतिनिधि छनोटको काम अन्तिम चरणमा
काठमाडौं । नेकपा एमाले निकट उद्योगी, व्यवसायीहरुको राष्ट्रिय महाधिवेशनको तयारी अन्तिम चरणमा पुगेको छ ।
एमालेको जनवर्गिय संगठन नेपाल राष्ट्रिय उद्योग व्यवसाय महासंघको दोस्रो राष्ट्रिय महाधिवेशन चैत्र २३ र २४ गते काठमाडौंको कमलादीमा आयोजना गरिएको छ ।
करिब १२ सय भन्दा बढि देशभरबाट प्रतिनिधि सहभागी हुने महाधिवेशनमा प्रतिनिधि छनोटको काम तिब्र भइरहेको महासंघका केन्द्रीय अध्यक्ष एलपी साँवा लिम्बुले जानकारी दिनुभयो ।
चैत्र १७ गते पालिकास्तरबाट प्रतिनिधि चयन हुँदैछन् । त्यस्तै १८ गते जिल्ला स्तरबाट प्रतिनिधि छनौट हुनेछन्, १९ गते प्रदेशबाट र २० गते वस्तुगत संघहरु र कर्पोरेटबाट प्रतिनिधि छनौट हुनेछन् ।
महाघिवेशनबाट १७ पदाधिकारी सहित २ सय ९९ सदस्यीय नयाँ कार्य समिति बन्ने अध्यक्ष लिम्बुले जानकारी दिनुभयो ।
महाधिवेशनको एमाले अध्यक्ष केपी शर्मा ओलीले उद्घाटन गर्नुहुने कार्यक्रम रहेको छ । महाघिवेशनबाट १७ पदाधिकारी सहित २ सय ९९ सदस्यीय नयाँ कार्य समिति बन्ने अध्यक्ष लिम्बुले जानकारी दिनुभयो ।
महासंघ २०६९ सालमा स्थापना भई अहिले देशका सबै जिल्ला, प्रदेश र वस्तुगत एंव कर्पोरेट सम्म सञ्जाल विस्तार गरिएको छ । महासंघले उद्योगि व्यवसायीहरुको हक अधिकार र नीतिगत पैरवी गर्दै आएको छ ।
समृद्ध नेपाल सुखी नेपालीको अवधारणालाई स्थापित गर्न महासंघले मूख्य भूमिका खेल्नेगरी आफ्ना योजना र कार्यक्रम निर्माण गर्दै अगाडि बढिरहेको अध्यक्ष लिम्बुले बताउनुभयो ।
