काठमाडौँ ।
रिलायबल नेपाल लाइफ इन्स्योरेन्सले नयाँ बोनस दर सार्वजनिक गरेको छ । कम्पनीले चैत ६ गते बीमा समितिबाट स्वीकृत भए अनुसार विभिन्न प्रकारका बीमा योजनाहरूको आर्थिक वर्ष २०७६/७७ को नयाँ बोनस दर सार्वजनिक गरेको हो । रिलायबल सावधिक जीवन बीमालेखमा प्रति हजार न्यूनतम ५० रूपैयाँदेखि अधिकतम ७० रुपैयाँसम्म बोनस कायम गरिएको कम्पनीले जनाएको छ ।

यस बीमा योजनामा २० वा सो भन्दा माथि बीमा अवधिका लागि ७० रुपैयाँ बोनस दर कायम गरिएको कम्पनीले जानकारी दिएको छ । रिलायबल लघु सावधिक जीवन बीमालेखमा सबै बीमा अवधिहरुका लागि कम्पनीले प्रति हजार ३० रुपैयाँ बोनस दर कायम गरेको छ ।

बीमा समिति लघु सावधिक जीवन बीमालेखमा सबै बीमा अवधिहरुका लागि कम्पनीले प्रति हजार ३० रुपैयाँ बोनस दर निर्धारण गरेको छ । यस्तै, कम्पनीको रिलायबल सजिलो जीवन बीमा(एकल तथा सीमित अवधि भुक्तानी) मा सबै बीमालेखहरुका लागि प्रति हजार १३ रुपैयाँ बोनस दर कायम भएको छ ।

रिलायबल सुलभ जीवन बीमालेख अन्र्तगत बीमा अवधिअनुसार कम्पनीले प्रति हजार न्यूनतम २० रुपैयाँदेखि अधिकतम ३२.५ रुपैयाँ बोनस दर तोकेको छ । त्यसैगरी, रिलायबल उच्च शिक्षा योजनामा प्रति हजार न्यूनतम ६० रूपैयाँदेखि अधिकतम ६५ रूपैयाँ तोकिएको छ ।  

सावधिक तथा आजीवन बीमा योजनामा प्रति हजारण ३० रुपैयाँ बोनस पाउनेछन् । अग्रिम भुक्तानी सावधिक बीमा योजनामा प्रति हजार न्यूनतम ५० रुपैयाँदेखि अधिकतम ५५ रूपैयाँसम्म बोनस पाइनेछ । रिलायबल समुन्नती जीवन बीमा योजनामा सबै बीमा अवधिहरुमा प्रति हजार २० रुपैयाँसम्म बोनस दर पाउने भएका छन् ।