काठमाडौं ।
गायक प्रकाश सपुतले आफू समाजबाट परिचालित भएर ‘पिर’ गीत सार्वजनिक गरेको बताउनुभएको छ । माओवादी कार्यकर्ताले पिर गीत सार्वजनिक भएपछि आफूहरूविरुद्ध शक्ति केन्द्रबाट परिचालित भएको आरोप लगाएपछि सपुतले आफू समाजबाट परिचालित भएको बताउनुभएको हो ।

पत्रकार सम्मेलन गर्दै सपुतले आफू समाजबाट परिचालित हुने गरेको र अन्य शक्तिले आफूलाई परिचालित गर्न नसक्ने जनाउनुभएको छ । साथै भिडियोको केही दृश्य हटाएर पुनः युट्युबमा अपलोड गरिएको विषयमा सपुतले आफूले कसैसँग डराएर गीतको भिडियो डिलिट नगरेको जवाफ दिनुभएको छ ।

सपुतले माओवादी युद्धमा होमिएको पात्र देहव्यापारमा संलग्न भएको दृश्य हटाएर पुन भिडियो अपलोड गर्नुभएको छ ।