काठमाडौं
आइतबार नेपाल स्टक एक्सचेञ्ज (नेप्से) मा विभिन्न ३ कम्पनीको बोनस सेयर सूचिकृत भएको छ । आइतबार एनएमबि बैंक लिमिटेड, एभरेष्ट बैंक लिमिटेड र गणपति लघुवित्त वित्तीय संस्था लिमिटेडका बोनस सेयर सूचिकृत भएको हो ।  आइतबार नेप्समा एभरेष्ट बैंक लिमिटेडको ६ प्रतिशत बोनस बापतको ५३ लाख ३६ हजार २ सय ३० दशमलव ३१ कित्ता सेयर सूचिकृत भएको हो ।

त्यस्तै, एनएमबि बैंक लिमिटेडको १२.५० प्रतिशत बोनस बापतको २ करोड ४ लाख ७ हजार ४ सय ५१ दशमलव ०७ कित्ता सेयर सूचिकृत भएको हो । साथै, नेप्समा गणपति लघुवित्त वित्तीय संस्था लिमिटेडको १९ प्रतिशत बोनस बापतको २ लाख ४१ हजार ९ सय ७७ दशमलव ८२५० कित्ता सेयर सूचिकृत भएको हो ।