८ मंसिर, २०८१ शनिबार
06:57:39 AM
२ चैत, २०७८
छिटो पासपोर्ट पाउने लोभमा सेवाग्राहीबाट किर्ते गर्ने समुहले ठुलो रकम लिई ठगीसमेत गरेको फेला परेको महानगरीय प्रहरी परिसर काठमाडौँले जनाएको छ
नेपाल विजनेश समाचारदाता,
काठमाडौँ,
राहदानी विभागबाट छिटो पासपोर्ट बनाइदिने भनी लोभ देखाउने एक समुहले सरकारी छाप नै किर्ते गरेको पाइएको छ ।
यसरी किर्तेमा संलग्न १२ जना माथि अनुसन्धान थालिएको छ । महानगरीय प्रहरी वृत्त कालिमाटीका अनुसार विशेष सूचनाको आधारमा उनीहरु पक्राउ परेका हुन् ।
छिटो पासपोर्ट पाउने लोभमा सेवाग्राहीबाट किर्ते गर्ने समुहले ठुलो रकम लिई ठगीसमेत गरेको फेला परेको महानगरीय प्रहरी परिसर काठमाडौँले जनाएको छ ।
यसरी किर्तेमा संलग्न १२ जना माथि अनुसन्धान थालिएको छ । महानगरीय प्रहरी वृत्त कालिमाटीका अनुसार विशेष सूचनाको आधारमा उनीहरु पक्राउ परेका हुन् ।
पक्राउ पर्नेमा काठमाडौं गोँगबु बस्ने रोल्पाका २९ वर्षीय अमृत थापा, सोही ठाउँ बस्ने प्रज्वल खड्का, काठमाडौँ सामाखुशी बस्ने बाग्लुङा रञ्जित कार्की छन् । यस्तै काठमाडौँ मनमैजु बस्ने म्याग्दीका ३३ वर्षीय रामजी परियार, काठमाडौँ गोंगबु गोमा वजगाईँ सोही ठाउँ बस्ने पाल्पाका जीवनकुमार श्रेष्ठ पनि पक्राउ परेका छन् ।
अन्य पक्राउ पर्नेमा काठमाडौँ गौशाला बस्ने रामेछापका ३७ वर्षीय मिठे मगर, ललितपुरका रमेश बजगाईँ, काठमाडौँ माछापोखरी बस्ने काभ्रेका सन्दिप मैनाली, काठमाडौँ धुम्बाराही बस्ने सिन्धुलीका अभिषेक मगर छन् ।
यस्तै काठमाडौँ सिनामंगल बस्ने दैलेखका निरञ्जन तिवारी र काठमाडौँ कलंकी बस्ने धादिङका मदन तामाङ पनि पक्राउ परेका प्रहरी प्रधान कार्यालयले जनाएको छ ।
प्रहरीले उनीहरूको साथबाट किर्ते गरिएका चार थान विभिन्न सरकारी कागजात, मोबाइल १४ थान तथा विभिन्न सरकारी एवम् निजी छाप २० थान बरामद गरेको छ । उनीहरू उपर किर्ते गर्न नहुने कसूरमा महानगरीय प्रहरी वृत्त कालिमाटीबाट थप अनुसन्धान भइरहेको जनाइएको छ ।
