वीरगञ्ज, 

भान्सा होस वा बाहन, सिँचाइ होस वा उद्योग अब विद्युतले चल्ने भइसकेको छ । सरकारले विद्युतको महसुल पनि घटाएको छ ।  

पेट्रोलियम पदार्थको मूल्य बढ्दो क्रममा रहेकाले अब हरेक क्षेत्रमा विद्युतको उपयोग गर्न जरुरी रहेको ऊर्जा, जलस्रोत तथा सिँचाइमन्त्री पम्फा भुसाल बताउनुहुन्छ ।

डिजेल, पेट्रोल, खाना पकाउने एलपी ग्यासजस्ता जैविक इन्धनको प्रयोगलाई कम गर्दै आफ्नै देशमा उत्पादन भएको जलविद्युत्को प्रयोगलाई बढाउन उहाँले सबैमा आग्रह गर्नुभएको छ । 

डिजेल, पेट्रोल, खाना पकाउने एलपी ग्यासजस्ता जैविक इन्धनको प्रयोगलाई कम गर्दै आफ्नै देशमा उत्पादन भएको जलविद्युत्को प्रयोगलाई बढाउन उहाँले सबैमा आग्रह गर्नुभएको छ । 

वीरगञ्जमा बुधबार आयोजना भएको शहीद परिवारको सम्मान तथा चेक हस्तान्तरण कार्यक्रममा मन्त्री भुसालले जैविक इन्धनको प्रयोगले पर्यावरणलाई ठूलो नोक्सानी भएको उल्लेख गर्नुभयो ।

नेपालको ठूलो धनराशि इन्धनको आयातमा खर्च हुने गरेकाले आफ्नै देशमा उत्पादन भएको बिजुलीको उपयोग गर्न उहाँले आग्रह गर्नुभयो । 

“इन्धनको सट्टा बिजुलीको उपयोग बढाउनु पर्छ”, उहाँले भन्नुभयो । 

शहिद परिवारलाई रु तीन लाख दिने निर्णयको प्रशंसा 

शहीद परिवारलाई रु तीन लाख सहयोग गर्ने मधेश प्रदेश सरकारको निर्णय प्रशंसायोग्य रहेको मन्त्री भुसालको भनाइ थियो । कार्यक्रममा पर्साका १८ परिवारलाई मन्त्री भुसालले कदरपत्र र रु एक लाखको चेक हस्तान्तरण गर्नुभयो ।

शहीद परिवारलाई प्रतिमहिना रु तीन हजार उपलब्ध गराउने नेपाल सरकारले निर्णय गरिसकेको र केही दिनभित्र सो रकम उपलब्ध गराइने उहाँले जानकारी दिनुभयो ।