काठमाडौं
यो साता ३ दिन सेयर बजार बन्द हुने भएको छ । चैत ३ गते बिहीबार सार्वजनिक बिदा भएको हुनाले सेयर बजार पनि बन्द रहने छ । त्यस्तै, शुक्रबार र शनिबार नियमित सेयर बजार बन्द हुने गरेको छ । त्यसैले यो साता ३ दिन सेयर बजार बन्द हुने भएको हो । अब सेयर बजार चैत ६ गते आइतबार मात्र खुल्ने छ । पछिल्लो केही दिन यता सेयर बजार घट्दै गहिरहेको छ ।

आज (बुधबार) सेयर कारोबार मापक नेप्से परिसूचक १९.६५ अंकले घटेर २६३१.३२ विन्दुमा पुगेको छ । हिजो अर्थात मंगलबार नेप्से परिसूचक १७.१५ अंकले घटेर २६५०.९७ विन्दुमा पुगेको थियो । आज (बुधबार) २३१ वटा कम्पनीको ४९ लाख ६७ हजार ४ सय ७१ कित्ता सेयर किनबेच हुँदा २ अर्ब ५७ करोड ४ लाख एक हजार एक सय ८८ रूपैयाँ बराबरको कारोबार भएको छ ।

मंगलबार ३ अर्ब ३६ करोड ४२ लाख २९ हजार १ सय ७५ रूपैयाँ बराबरको कारोबार भएकोे थियो । मंगलबारको तुलनामा आज (बुधबार) कारोबार रकममा पनि कमि आएको छ ।