काठमाण्डौं, मंसिर २९
उपराष्ट्रपति नन्दबहादुर पुनले निर्यात व्यापार, रोजगारी सिर्जना, गरिबी निवारण गर्दै अन्तर्राष्ट्रिय क्षेत्रमा नेपालको पहिचान कायम गर्न सफल हस्तकला लाई सरकारले उच्च प्राथमिकता दिनुपर्ने बताउनुभएको छ । नेपाल हस्ताकला महासंघले बुधवार  गरेको १० औं हस्ताकला दिवसका अवसरमा बोल्नुहुँदै उपराष्ट्रपति पुनले सरकारी निकायलाई स्वदेशी हस्ताकलाको सामाग्री प्रयोग गर्न आग्रहसमेत गर्नु भयो । 

नेपाल हस्ताकला महासंघले स्वर्ण वर्षभरी हस्तकला व्यवसायको प्रवद्र्धनका लागि नीतिगत तथा प्रक्रियागत व्यवस्था सरलीकरणसम्बन्धी गोष्ठी सेमिनार गर्ने, व्यापार मेला प्रदर्शनी आयोजना गर्ने, वस्तु विकास, सीप विकास, डिजाईन विकास र सीप हस्तान्तरणसम्बन्धी तालिम सञ्चालन गर्ने, हस्ताकलाको सरकारसँग बहस पैरवी गर्न आवश्यक नीति तथा अनुसन्धानमुलक कार्यक्रम गर्ने, हुलक टिकट प्रकाशन गर्ने जानकारी दिएको छ ।

नेपाल हस्ताकला महासंघका अध्यक्ष सुरेन्द्रभाई शाक्यले कोरोनाबाट थलिएको हस्ताकला व्यवसायलाई पुनर्जीवन दिन तीनवटै तहका सरकारको सहयोग र सहकार्य आवश्यक रहेको बताउनु भयो ।
महासंघले सन् २०२१ लाई हस्तकला वर्ष घोषणा गर्दै हस्ताकलाको व्यापार घाटा न्यूनीकरमा महत्वपूर्ण भूमिका खेल्नुपर्ने बताएको छ ।