१६ जेठ, २०८१ बुधबार

05:03:38 AM


https://nepalbusiness.com/
https://nepalbusiness.com/
×

कोभिड महामारीले आधा अर्ब जनसंख्या गरिबीमा एक अनुसन्धान

२८ मंसिर, २०७८

विश्व स्वास्थ्य संगठन (डब्लूएचओओ) र विश्व बैंकले गरेको एउटा अनुसन्धानमा जारी महामारीका कारण विश्वको आधा अर्ब जनसंख्या चरम गरिबीमा धकेलिएको छ । महामारीले विश्वव्यापी स्वास्थ्य पहुँचमा पनि गम्भीर असर गरेको छ ।

कोभिड महामारीले आधा अर्ब जनसंख्या गरिबीमा  एक अनुसन्धान


काठमाण्डौं, मंसिर २८
विश्व्यापी फैलिएको कोभिड महामारीले विभिन्न क्षेत्रमा नकरात्मक असर गरेको छ । कोभिडले पारेको असरबारे विभिन्न संस्थाले विभिन्न अनुसन्धान गर्दै आएका छन् । पछिल्लो एक अनुसन्धानले कोभिडको प्रभावबारे डरलाग्दो भविष्यवाणी गरेको छ । 
विश्व स्वास्थ्य संगठन (डब्लूएचओओ) र विश्व बैंकले गरेको एउटा अनुसन्धानमा जारी महामारीका कारण विश्वको आधा अर्ब जनसंख्या चरम गरिबीमा धकेलिएको छ । महामारीले विश्वव्यापी स्वास्थ्य पहुँचमा पनि गम्भीर असर गरेको छ ।
 विभिन्न देशहरुले स्वास्थ्यसँग सम्बन्धित क्षेत्रमा ठूलो लगानी गर्नुपर्ने भएकोले विश्वको ठूलो जनसंख्या गरिबीमा धकेलिने ती संस्थाले गरेको अध्ययनको निस्कर्ष छ । महामारीले सन् १९३० पछि पहिलो पटक विश्वव्यापी आर्थिक संकट निम्त्याएको अनुसन्धान प्रतिवेदनमा जनाइएको छ । 
महामारीले सन् २०२० मा पूणर् रुपमा स्वास्थ्य सेवामा अवरोध गरेको रिपोर्टमा औंल्याइएको छ । जसका कारण पहिलो पटक संसारमा पहिलो पटक खोप पहुँचमा ह्वात्तै गिरावट आएको छ  । गत वर्ष क्षयरोग र मलेरियाबाट मृत्यु हुनेको संख्यामा पनि वृद्धि भएको थियो ।  
कोभिड अघि विभिन्न देशले प्रगति गरेका थिए । तर त्यो आफैमा पर्याप्त भने थिएन । तर, यसपटक हामीले यस्तो स्वास्थ्य प्रणालीको विकास गर्नुपर्नेछ की प्रायः देशको बजेटको ठूलो हिस्सा यस क्षेत्रमा लगानी गर्नुपर्ने हुन्छ, प्रतिवेदनमा भनिएको छ ।