काठमाण्डौं, मंसिर २८
राजस्व अनुसन्धान विभागले  भद्रपुर भन्सार कार्यालय झापाका एक अधिकृत सहित ४ जना विरुद्ध राजस्व छलीको मुदा दायर गरेको छ । मालबस्तु जाचँपासमा लापरबाही  गरेर राजस्व चुहावट  गर्ने सहयोग गरेको अभियोगमा भन्सार अधिकृत प्रमोद पौडेल तथा नायब सुब्बाहरु नानुका  पोखरेल (आचार्य), लक्ष्मी विश्वकर्मा र किशोर आचार्य विरुद्ध मुदा दायर गरिएको हो । 
उनीहरु विरुद्ध सोमबार उच्च अदालत विराटनगरमा मुदा दायर गरिएको विभागले जनाएको छ । उनीहरुविरुद्ध १ करोड ६० लाख ७५ हजार ३ सय रुपैयाँ बराबरको बिगो माग गरिएको छ ।