काठमाडौं
नेष्डो समृद्द लघुवित्तले निष्काशन गरेको साधारण सेयर (आईपिओ) मंगलबार बाँडफाँड हुने भएको छ । आइतबार ‘प्रि अलटमेन्ट’ सकेर मंगलबार सेयर बाँडफाँड गर्ने कम्पनीले जनाएको छ । कम्पनीले फागुन ११ गतेदेखि सर्वसाधारणलाई साधारण सेयर (आईपिओ) निष्काशन बिक्रि खुला गरेको थियो ।

 कम्पनीले प्रति कित्ता १०० अंकित दरले हुन आउने ८ करोड २८ लाख ७५ हजार बराबरको ८ लाख २८ हजार ७ सय ५० कित्ता सेयर निष्काशन गरेको थियो । जस मध्ये ०.५ प्रतिशत अर्थात् १२ हजार ७ सय ५० कित्ता कम्पनीको कर्मचारीको लागि र ५ प्रतिशत अर्थात् ४१ हजार ४ सय ३७ कित्ता सामूहिक लगानी कोषको लागि छुट्याईएको थियो ।
 
भने बाँकि ७ लाख ७४ हजार ५ सय ६३ कित्ता सेयर सर्वसाधारणका लागि निष्काशन गरिएको थियो । आईपिओमा २५ लाख ९९ हजार ५९८ जना आवेदकबाट ३ करोड १ लाख १३ हजार ७ सय कित्ताको लागि आवेदन परेको छ । यो माग गरिए भन्दा ३८.८७ गुणा बढी हो ।

मागभन्दा बढी आवेदन परेकाले गोलाप्रथाबाट आईपीओ बाँडफाँड हुने छ । गोलाप्रथाबाट आईपीओ बाँडफाँड हुँदा भाग्यमानी ७७ हजार ४ सय ५६ जनाले मात्र १० कित्ता सेयर पाउने छन् ।