काठमाण्डौं

साताको चौथौं दिन बुधबार सेयर बजारमा भारी अंकको गिरावट आएको छ । गत हप्ताको बुधबारदेखि ओरालो लागेको नेप्सेले आज पनि निरन्तरता दिएको छ । अघिल्लो हप्ताको  मंगलबार नेप्से दोहोरो अंकले बढेको थियो ।

नेपाल स्टक एक्सचेञ्जका अनुसार बुधबार सेयर कारोबार मापक नेप्से परिसूचक ६३.९८ अंकले घटेर २५४६.६० विन्दुमा पुगेको छ । नेप्से २.४५ प्रतिशतले घटेको हो । यसैगरी सेन्सेटिभ परिसूचक ११.५२ अंकले घटेर ४८८.६९ विन्दुमा झरेको छ ।

कूल २२८ वटा कम्पनीको ७६ लाख ५२ हजार २ सय ४ कित्ता सेयर खरिदबिक्री हुँदा ३ अर्ब ६२ करोड ११ लाख ४३ हजार ९ सय ७९ रूपैयाँ बराबरको कारोबार भएको नेप्सेले जनाएको छ ।

स्टकका अनुसार कारोबार भएका १३ उपसमूहमध्ये सबै वटा उपसमूहको सेयर घटेको छ । सबैभन्दा धेरै फाइनान्स समूह घटेको छ । बुधबार  नेपाल लाइफ इन्स्योरेन्स कम्पनी लिमिटेडको कारोबार उच्च छ । कम्पनीको १६ करोड १८ लाख रूपैयाँ बराबरको कारोबार भएको हो ।

बुुधबारै रिलायन्स लाइफ इन्स्योरेन्सको सेयरमूल्य सबैभन्दा धेरै बढेको छ । कम्पनीको सेयरमूल्य ४ प्रतिशतले बढेर ५ सय ७२ रूपैयाँ पुगेको छ ।

यस दिन हिमालयन जनरल इन्स्योरेन्स कम्पनी लिमिटेडको सेयरमूल्य सबैभन्दा धेरै घटेको छ । कम्पनीको सेयरमूल्य ८.२६ प्रतिशतले घटेर ६ सय ३१ रूपैयाँ कायम भएको छ ।