काठमाडौं
महाशिवरात्रीको अवसरमा सरकारले आज (फागुन १७ गते, मंगलबार) सार्वजनिक बिदा दिएको छ । सरकारले मंगलबार सार्वजनिक बिदा भएको हुनाले सेयर बजार पनि बन्द रहेको हो ।  सोमबार सेयर कारोबार मापक नेप्से परिसूचक ४३.१० अंकले घटेर २६१०.६० विन्दुमा झरेको थियो । यस्तै, सेन्सेटिभ परिसूचक पनि ६.६४ अंकले घटेर ५००.२१ विन्दुमा झरेको थियो ।
 
कूल २२७ वटा कम्पनीको ७८ लाख ३४ हजार ९ सय १५ कित्ता सेयर खरिदबिक्री हुँदा ३ अर्ब ६६ करोड एक लाख ८९ हजार ८ सय ६८ रूपैयाँ बराबरको कारोबार भएको थियो । सोमबार कारोबार भएका कूल १३ उपसमूहमध्ये सबै उपसमूहको सेयर घटेको छ । सोमबार सर्वाधिक कारोबार हुनेमा अपि पावर कम्पनी लिमिटेड रहेको थियो ।

सोमबार अपि पावर कम्पनी लिमिटेडको १६ करोड ९ लाख ९९ हजार रूपैयाँ बराबरको कारोबार भएको हो । सोमबार तेह्रथुम पावर कम्पनी लिमिटेड र सामलिङ्ग पावर कम्पनी लिमिटेडको सेयरमूल्यमा नकारात्मक सर्किट लागेको छ ।