काठमाडौं
सानिमा बैंकले बचत खाता अन्तर्गत दुर्घटना बीमा दाबी भुक्तानी गरेको छ । बैंकले सानिमा दीर्घायु बचत खाता अन्तर्गत दिर्घायु तलब बचत खातावालाको परिवारलाई १० लाख रुपैयाँको दुर्घटना बीमा दाबी भुक्तानी गरेको हो ।

धनगढी शाखाका खातावाल गणेशप्रसाद ओझाको दुर्घटनामा परि मुत्यु भएकोले उहाँको हकवाला कमली पन्त ओझालाई उक्त रकम हस्तान्तरण गरिएको हो । सो रकम सुदूरपश्चिम प्रदेश प्रमुख मेघराज खड्का र बीमा प्रदायक कम्पनी सिद्धार्थ इन्स्योरेन्स लिमिटेडका सुदूरपश्चिम प्रदेश प्रमुख घनश्याम जोशीले संयुक्त रुपमा हस्तान्तरण गर्नुभएको छ ।